«Лукашэнка баіцца за сваё жыццё»

Дыктатару застаецца толькі наведваць кароўнікі.

На выязным семінары аб зімоўцы жывёлы Лукашэнка агучыў свае страхі: "ЗША сутыкнуць Кітай і Расею лбамі". Чаму дыктатар так захваляваўся праз сустрэчы ў Эр-Рыядзе? Пра гэта сайт Charter97.org паразмаўляў з беларускім палітолагам Дзмітрыем Балкунцом:

- Пачну з таго, што Лукашэнка знаходзіцца ў вельмі складанай сітуацыі. Яму не знайшлося месца ў перамовах, пра якія ён так марыў. Ні за сталом, ні пад сталом, нідзе побач. Таму зараз ён спрабуе прыдумаць розныя тлумачэнні, новыя канспіралагічныя тэорыі, маўляў, ЗША будуць сутыкаць Кітай з РФ ці з кім заўгодна іншым.

Яму застаецца толькі наведваць кароўнікі, што з'яўляецца ягоным улюбёным заняткам на працягу ўжо 30 гадоў. То бок, Лукашэнка застаўся на тым жа ўзроўні, на якім быў у 1980-ыя гады, калі кіраваў саўгасам «Гарадзец». Гной, каровы, куры, авечкі - вось яго ўзровень.

- Яшчэ адзін страх, які ён агучыў, вяртанне заходніх кампаній на расейскі рынак. Нібыта яны выціснуць адтуль беларусаў. Чым гэта будзе пагражаць беларускай эканоміцы?

- Больш за тры гады Лукашэнка актыўна выкарыстаў патэнцыял, які адкрыўся для ўваходу на расейскі рынак у сувязі з тым, што шэраг амерыканскіх і еўрапейскіх кампаній сышлі з яго. Асабліва гэта тычыцца сферы харчавання. Беларусь вельмі моцна нарасціла аб'ёмы экспарту. Вядома ж, калі якія-небудзь амерыканскія кампаніі будуць вяртацца, тое гэта створыць сур'ёзную канкурэнцыю.

Лукашэнку зручна, калі няма канкурэнцыі, што ён і зрабіў у Беларусі. У краіне няма ні расейскіх, ні еўрапейскіх, увогуле ніякіх замежных кампаній. Канкурэнцыя адсутнічае.

Беларусы пераплачваюць за тавары, атрымліваючы часта прадукты нізкай якасці. Асабліва ў шэрагу сфераў бытавога абслугоўвання, прамысловасці. Што далёка хадзіць, беларускія МАЗы ўспыхваюць кожны тыдзень. Гэта сведчыць аб тым, што няма канкурэнцыі і жадання ў кампаній рухацца наперад.

Таму Лукашэнка і баіцца, што Беларусь будзе мець складанасці і давядзецца канкурыраваць на рынках, але, думаю, што гэта так хутка не адбудзецца. Хачу яшчэ заўважыць, што 30 гадоў таму Беларусь знаходзілася прыкладна на адным узроўні, напрыклад, з Польшчай і шэрагам іншых краін па ВУП на душу насельніцтва. Адставанне, пачынаючы з 1994-га, вырасла мінімум у чатыры разы на карысць той жа Польшчы. Гэта сведчыць аб тым, што мадэль, якую Лукашэнка праводзіў і праводзіць - надзвычай неэфектыўная.

Беларусь знаходзіцца на чацвёртым месцы знізу сярод усіх краін Еўропы ў ВУП на душу насельніцтва. Гэта адна з самых бедных краін Еўропы на сённяшні дзень. Лукашэнка рэгулярна кажа, што ён нібыта гарантаваў харчовую бяспеку Беларусі. Але гэта зрабілі задоўга да яго.

Лукашэнка проста самы сапраўдны паразіт. Ён бярэ і карыстаецца тым, што было створана да яго. Ён нічога новага не стварыў. Чакаць, што ён нешта створыць не даводзіцца. У Беларусі няма тэхналогій, кампетэнцый, а самае галоўнае - выхаду на найбуйнейшыя рынкі збыту прадукцыі. Адзінае, што зараз яго напраўду непакоіць, дык гэта ўласная бяспека і жыццё.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]