У Брытаніі музыкі выпусцілі нямы альбом

Так яны пратэстуюць супраць ШІ.

Альбом з гукам цішыні выйшаў у Брытаніі ў аўторак, піша BBC. Сярод ягоных стваральнікаў – музыкі Кейт Буш, гурт The Clash, Ханс Цымер, Білі Оўшэн і Дэн Сміт.

Усяго больш за тысячу брытанскіх артыстаў выступілі супраць ініцыятывы ўраду. Яна дазволіць кампаніям, якія працуюць у сферы ШІ, выкарыстоўваць музыку з інтэрнэту для навучання штучнага інтэлекту. Надалей ШІ будзе генераваць новы кантэнт, як быццам створаны чалавекам.

Самае галоўнае – адлічваць аўтарскія ганарары за выкарыстанне кампазіцый кампаніі-распрацоўнікі не павінны.

Таму музыкі запісалі нямую кружэлку з пасланнем: «Брытанскі ўрад не павінен легалізаваць крадзеж музыкі ў мэтах атрымання выгады кампаніямі, якія займаюцца штучным інтэлектам».

У альбоме 12 трэкаў. У кожным – запіс цішыні з пустых студый і канцэртных залаў. Такімі для сябе бачаць патэнцыйныя наступствы музыкі, калі ініцыятыву прымуць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]