Начная атака на НПЗ і марскі порт у Краснадарскім краі была аперацыяй ГУВ

Украінскія выведчыкі раскрылі падрабязнасці.

Уночы 26 лютага ГУВ разам з іншымі падраздзяленнямі Сіл абароны Украіны нанесла ўдар па нафтаперапрацоўчым заводзе (НПЗ) і марскім порце ў горадзе Туапс Краснадарскага краю Расеі.

Пра гэта РБК-Украіна распавялі крыніцы ў выведцы.

У выніку атакі на НПЗ прагучала не менш як 40 выбухаў, узнік пажар і было пашкоджана нафтаперапрацоўчае абсталяванне.

Улады Расеі ўжо прызналі атаку на Туапсэ, а відавочцы тым часам публікуюць у інтэрнэце фота і відэа з наступствамі знішчэння і сцвярджаюць аб нападзе на мясцовы марскі порт.

Як растлумачылі крыніцы, комплекс пашкоджаных аб'ектаў адыгрывае важную ролю ў забеспячэнні вайсковай лагістыкі акупацыйнага войска. Пры гэтым нафтаналіўны тэрмінал у Туапсэ з'яўляецца адным з найбуйнейшых у Расеі, а порт - адным з ключавых сярод грузавых партоў у Чорным моры. Апошні звязаны з чыгуначнай сеткай, што дазваляе транспартаваць грузы з цэнтральных і паўднёвых рэгіёнаў Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]