Стармер, Зяленскі і 10 еўрапейскіх лідараў абмяркуюць у Лондане гарантыі бяспекі для Украіны

Сустрэча пачнецца 2 сакавіка.

Прэм'ер-міністр Вялікабрытаніі Кір Стармер 2 сакавіка 2025 года прыме ў Лондане прэзідэнта Уладзіміра Зяленскага і больш за 10 іншых еўрапейскіх лідараў. Яны будуць абмяркоўваць гарантыі бяспекі, якія Еўропа можа прапанаваць Кіеву ў выпадку спынення агню з РФ.

Пра гэта піша Bloomberg.

Так, Стармер і Макрон змогуць праінфармаваць еўрапейскіх калег аб сваіх візітах у ЗША для сустрэч з Дональдам Трампам, падчас якіх яны спрабавалі пераканаць яго паабяцаць вайсковую падтрымку ЗША, калі Расея ў будучыні парушыць патэнцыйную мірную дамову.

У офісе Стармера паведамілі, што ён таксама запрасіў у Лондан лідараў Нямеччыны, Даніі, Італіі, Нідэрландаў, Нарвэгіі, Польшчы, Гішпаніі, Турцыі, Фінляндыі, Швэцыі, Чэхіі і Румыніі.

Таксама чакаецца ўдзел генеральнага сакратара NАТО Марка Рутэ і прэзідэнтаў Еўрапейскай камісіі і Еўрапейскай рады Уршулі фон дэр Ляен і Антонію Кошты.

Вядома, што Стармер правядзе асобныя двухбаковыя сустрэчы з Зяленскім і італьянскім прэм'ерам Джорджам Мелані.

Еўропа хоча, каб Трамп прапанаваў амерыканскую паветраную выведку, назіранне і паветранае прыкрыццё ў якасці крайняй меры для дапамогі еўрапейскім міратворчым сілам у выпадку, калі яны зазанаюць напад з боку войскаў РФ пасля ўкладання якога-небудзь мірнага пагаднення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]