Яшчэ ў двух раёнах Беларусі ўводзяць дні цвярозасці

У адным з раёнаў наважылі, што такіх дзён мае быць адразу пяць.

У розных раёнах і гарадах Беларусі пачалі ўводзіць так званыя дні цвярозасці, калі алкаголь проста не прададуць у краме.

Цяпер яшчэ два раёны вызначыліся са сваімі цвярозымі днямі.

На Нацыянальным прававым інтэрнэт-партале апублікаваныя пастановы Дрыбінскага і Бабруйскага раённых адміністрацый (абодва раёны знаходзяцца ў Магілёўскай вобласці).

Так, у Бабруйскім раёне 14 лютага пастанавілі, што днямі цвярозасці сёлета стануць наступныя даты: 20 сакавіка, 1 верасня, 20 лістапада.

Гэтыя дні цвярозасці пастанавілі ладзіць "у сувязі з правядзеннем акцый, накіраваных на прапаганду (папулярызацыю) здаровага ладу жыцця, прафілактыку п'янства і алкагалізму, барацьбу з імі і прымеркаваных да акцыі "Дзень цвярозасці", якая праводзіцца ў Бабруйскім раёне".

Дрыбінскі раён вызначыў свае дні цвярозасці яшчэ раней, месяц таму: 31 студзеня. І там наважылі, што двух-трох дзён за год замала: хай будзе адразу пяць цвярозых дзён, а менавіта: 28 сакавіка. 24 траўня, 13 чэрвеня, 1 верасня, 28 лістапада.

Фармулёўкі такія ж, а вось у чэрвені алкаголь не прададуць у сувязі з правядзеннем выпускных вечароў ва ўстановах агульнай сярэдняй адукацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]