Колькі беларусаў наведалі Турцыю летась

Больш, чым у 2023 годзе.

У 2024 годзе Турцыю наведалі блізу 334,8 тыс. грамадзянаў Беларусі, гэта на 8,3% больш, чым у 2023 годзе, паведамляе Рэспубліканскі звяз турыстычных арганізацый (РЗТА).

Дзель Беларусі ў турэцкай турыстычнай плыні цяпер складае 0,64 адсотка.

Як зазначаюць эксперты, рост паездак беларускіх падарожнікаў, сярод іншага, звязаны з няпростым атрыманнем шэнгенскіх візаў і складанай лагістыкай пры наведванні іншых краінаў.

Нагадаем, што ў 2022 годзе ў Турцыю прыехала блізу 240 тыс. нашых грамадзянаў.

«Колькасць беларускіх вандроўцаў, якія наведваюць гэтую краіну, кожны год расце. Кірунак у “топе” выязных кірункаў на беларускім турыстычным рынку», – адзначылі ў РЗТА.

Беларускія турысты выбіраюць для адпачынку курорты Міжземнага і Эгейскага ўзбярэжжаў Турцыі, таксама ўсё большую папулярнасць набіраюць экскурсійныя туры ў Стамбул.

У РЗТА таксама адзначылі, што Стамбул, нароўні з Дубаем і Масквой, стаў адным з важных транзітных хабаў для беларускіх падарожнікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]