У Берасці 16-гадовы п'яны бяспраўнік, сыходзячы ад ДАІ, пратараніў 14 машынаў

Сталі вядомыя падрабязнасці пагоні.

У Берасці 16-гадовы бяспраўнік зладзіў начныя гонкі з ДАІ, пашкодзіў 14 аўтамабіляў і паспрабаваў уцячы з месца ДТЗ. Інцыдэнт здарыўся 9 лютага блізу трэцяй гадзіны ночы на вуліцы Набярэжнай – Скарыны, паведамляе УУС Берасцейскага аблвыканкама.

Супрацоўнікі ДАІ паспрабавалі спыніць аўтамабіль Chrysler, аднак кіроўца праігнараваў сігнал і паспрабаваў уцячы. Пачалася пагоня.

Па шляху руху парушальнік пратараніў 14 аўтамабіляў. У адным з двароў на вуліцы Кірава машына атрымала сур'ёзныя пашкоджанні і не змагла прадоўжыць рух. Падлетак паспрабаваў уцячы, але быў затрыманы інспектарамі.

Як высветлілася, за рулём знаходзіўся 16-гадовы юнак без пасведчання кіроўцы, у якога былі відавочныя прыкметы алкагольнага ап'янення. Медыцынскі агляд паказаў 1,4 праміле алкаголю ў крыві.

Падлетак прызнаўся, што ўзяў ключы ад аўтамабіля, пакуль дома нікога не было.

У выніку ДТЗ кіроўца не пацярпеў. На парушальніка складзена 14 адміністрацыйных матэрыялаў, а ягоны аўтамабіль дастаўлены на ахоўную стаянку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]