Ватыкан: Папу Францішку ўжо цяжка дыхаць самастойна

Новая інфармацыя пра стан здароўя пантыфіка.

Стан здароўя папы рымскага Францыска пагоршыўся. Пасля эпізоду бронхаспазму (некантраляванага скарачэння гладкіх цягліцаў бронхаў) рэлігійнаму лідару прызначылі неінвазіўную вентыляцыю лёгкіх.

Прэс-служба Святога прастолу на сайце Vatican News увечары 28 лютага паведаміла, што кіраўнік Каталіцкай царквы знаходзіўся ў прытомнасці. Пасля «дыхальнага крызісу» яго стабілізавалі, але прагнозы лекараў застаюцца асцярожнымі.

88-гадовы Францішак раніцай прыняў Эўхарыстыю, пасля чаго маліўся ў капліцы і праходзіў рэспіраторную фізіятэрапію.

У пятніцу ўвечары пацыенту рэзка стала горш – у яго адбыўся ізаляваны бранхіяльны спазм, што выклікала ваніты.

Лекары неадкладна правялі бранхіяльную аспірацыю, каб ачысціць дыхальныя шляхі, і падключылі пантыфіка да штучнай вентыляцыі лёгкіх праз дыхальную маску, што палепшыла паказнікі кіслароду.

«Спатрэбіцца блізу 24–48 гадзінаў, каб ацаніць клінічны стан Папы», – паведамілі ў Vatican News.

Дадамо: абвастрэнне хваробы адбылося пасля трох дзён даволі пазітыўных навінаў пра стан здароўя папы рымскага.

Ватыкан не паведаміў, як доўга папа будзе заставацца ў медустанове, але абвясціў, што ён не будзе ўзначальваць штогадовую царкоўную службу 5 сакавіка.

У рымскай лякаррні Джэмэлі пантыфік знаходзіцца з 14 лютага праз двухбаковую пнеўманію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]