Прэм'ер Ізраіля склікае экстранную нараду датычна перамоваў з ХАМАСам

Дзеля гэтага парушыць шабат нават лідар рэлігійнай партыі.

Нягледзячы на шабат, прэм'ер-міністр Ізраіля правядзе сёння ўвечары кансультацыі з асноўнымі міністрамі і паплечнікамі ў кааліцыі, паведамляе Walla.

Заўтра заканчваецца тэрмін дзеяння першага этапу ўгоды з тэрарыстамі. І, здаецца, далейшыя перамовы пакуль не прынеслі выніку.

Дзеля нарады парушыць шабат нават лідар рэлігійнай партыі ШАС Дэры. Акрамя яго ўдзел возьмуць Смотрыч, міністр абароны Ісраэль Кац, найбліжэйшы паплечнік Нетаніягу і кіраўнік перамоўнай групы Рон Дрэмер, а таксама вярхі апарату бяспекі.

Раней сёння стала вядома пра хуткае вяртанне з Каіра ізраільскай дэлегацыі. І хоць паведамлялася, што заўтра перамовы прадоўжацца, іх выніковасць пад вялікім пытаннем.

Ізраіль дамагаецца падаўжэння першага этапу ўгоды і прадаўжэння вызвалення закладнікаў у абмен на палестынскіх тэрарыстаў. ХАМАС сёння афіцыйна заявіў, што патрабуе тэрміновага пераходу да другога этапу з вывадам ізраільскіх сілаў і заканчэннем вайны.

Пры гэтым заўтра заканчваецца першы этап угоды. Як дзейнічаць Ізраілю, калі дзеянне дамовы скончыцца, а новая заключаная не будзе, напэўна будзе адным з галоўных пытанняў сённяшняй нарады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]