«Пуцін можа забыцца пра свае планы»

У РНБА Украіны падвялі вынік спрэчкі ў Белым доме.

Сварка прэзідэнтаў Украіны і Злучаных Штатаў Уладзіміра Зяленскага і Дональда Трампа ў Белым доме не стала катастрофай.

Візіт украінскага лідара Уладзіміра Зялонскага ў Вашынгтон, відавочна, быў няўдалым. Тым не менш падставаў для панікі цяпер няма.

З такой заявай выступіў у сваім блогу Андрэй Каваленка, які ўзначальвае Цэнтр супрацьдзеяння дэзынфармацыі (ЦСД) пры РНБА Украіны.

Падводзячы вынік сварцы ў Авальным кабінеце, Каваленка адзначыў важную пазітыўную дэталь – рэакцыю еўрапейскіх лідараў. Прэзідэнты, прэм'ер-міністры, міністры, палітыкі пачалі пісаць словы падтрымкі Зяленскаму і народу Украіны.

«Што мы маем на раніцу. Еўропа аб'ядналася, рыхтуюцца тэрміновыя захады. Важныя не словы, важная зброя. Украіна і далей будзе атрымліваць падтрымку і ўзбраенне», – напісаў Каваленка.

Ён таксама запэўніў, што планы Пуціна пры дапамозе ЗША вярнуцца ў Еўропу асуджаныя на крах.

«У цяперашніх умовах Кітай засяродзіцца на стратэгічным хаўрусе з Еўропай. Расея не з'яўляецца для Пекіна прыярытэтам, звычайны сыравінны прыдатак. Для Злучаных Штатаў, як і раней, яна з'яўляецца звычайнай "бензакалонкай" і крыніцаў рэдказямельных металаў, якія Пуцін гатовы аддаць "без папярэдніх умоваў"», – напісаў Каваленка.

Ён запэўніў, што ва Украіны ёсць даволі рэсурсаў для прадаўжэння барацьбы з агрэсарам нават без падтрымкі Амерыкі. А становішча РФ далёка не найлепшае.

«У РФ у рэгіёнах пачаўся дэфіцыт сродкаў на выплаты кантрактнікам. Яны афіцыйна пра гэта гавораць. Санкцыі застаюцца. Гэта значыць, жыццё ў РФ будзе толькі пагаршацца», – напісаў кіраўнік ЦСД.

Ён таксама адзначыў, што ў выніку Расеі давядзецца пайсці на саступкі Украіне, а менавіта адмовіцца ад планаў акупацыі ўкраінскіх тэрыторый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]