Кіраўнік лукашэнкаўскага прафсаюза ў Лёзна краў грошы з касы і прайграваў у казіно

Ён растраціў чатыры тысячы рублёў.

Старшыня першаснай прафсаюзнай арганізацыі з Лёзненскага раёна растраціў амаль чатыры тысячы рублёў з прафсаюзнай касы на гульні ў анлайн-казіно. Суд прызнаў яго вінаватым і вынес прысуд, паведамляе Orsha.eu.

Гісторыя пачалася ў траўні 2021 года, калі мужчыну абралі кіраўніком прафсаюзнай арганізацыі адной з устаноў раёна. Праз два гады, асвоіўшыся на пасадзе, ён наважыў выкарыстоўваць прафсаюзную касу як крыніцу сродкаў для сваіх забаў у анлайн-казіно.

Цягам 2023 года старшыня зняў з банкаўскага рахунку прафкама блізу чатырох тысяч рублёў. Для правядзення аперацый ён выкарыстоўваў ключ электроннага лічбавага подпісу, аформленага на скарбніка прафсаюзнай арганізацыі.

Суд Лёзненскага раёна прызнаў яго вінаватым у завалоданні маёмасцю з выкарыстаннем службовых паўнамоцтваў (ч. 1 арт. 210 Крымінальнага кодэкса Беларусі). Мужчыну прысудзілі да паўтара года пазбаўлення волі ўмоўна з выпрабавальным тэрмінам адзін год. Акрамя таго, яму прызначылі штраф сумаю 100 базавых велічыняў (4200 рублёў) і на два гады забаранілі займаць пасады, звязаныя з выкананнем адміністрацыйна-гаспадарчых абавязкаў.

Пры вынясенні прысуду суд улічыў, што мужчына добраахвотна кампенсаваў прысвоеныя сродкі і выхоўвае малалетняе дзіця. Гэтыя абставіны дазволілі яму пазбегнуць рэальнага пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]