Важныя перамовы: Зяленскі сустракаецца з прэм'ер-міністрам Вялікай Брытаніі

Стармер заявіў, што Вялікая Брытанія будзе з Украінай "столькі, колькі спатрэбіцца".

Прэзідэнт Украіны Уладзімір Зяленскі сустракаецца з брытанскім прэм'ерам Кірам Стармерам пасля публічнай сваркі з прэзідэнтам ЗША Дональдам Трампам, паведамляе BBC.

Прэм'ер-міністр сустрэў прэзідэнта Украіны ў сваёй рэзідэнцыі на Даўнінг-стрыт, 10, і абняў яго.

Абодва з прамежкам у дзень на гэтым тыдні сустракаліся ў Белым доме з Дональдам Трампам, але калі Стармера там прынялі прыязна, то сустрэча з Зяленскім скончылася скандалам.

Зяленскі нічога не адказаў прысутным журналістам, якія гучна крычалі яму: «Якое вашае пасланне Дональду Трампу?» і «Ці можна яшчэ выратаваць угоду?»

На трансляцыі з рэзідэнцыі прэм'ер-міністра Кір Стармер цёпла прывітаў Уладзіміра Зяленскага і паўтарыў чарговым разам, што Вялікая Брытанія будзе падтрымліваць Украіну «столькі, колькі спатрэбіцца» - стандартная фармулёўка заходніх палітыкаў у апошнія тры гады, але новая адміністрацыя ў ЗША ёю больш не карыстаецца.

Стармер таксама звярнуў увагу, што мінакі віталі картэж украінскага прэзідэнта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]