FT: Украіна прапануе частковае спыненне агню на сустрэчы з ЗША

Размова ідзе аб спыненні дальнабойных удараў і баявых дзеянняў у Чорным моры.

Украіна паспрабуе пераканаць ЗША аднавіць выведвальную і вайсковую падтрымку на перамовах у Савудаўскай Арабіі, спрабуючы давесці, што Уладзімір Зяленскі імкнецца да хуткага заканчэння вайны з Расеяй.

Пра гэта паведаміла выданне The Financial Times.

Чыноўнікі, якія расказалі аб падрыхтоўцы да перамоў у Савудаўскай Арабіі, заявілі, што Кіеў мае намер прапанаваць частковае спыненне агню з Расеяй - гаворка ідзе аб спыненні дальнабойных удараў і баявых дзеянняў у Чорным моры. Кіеў спадзяецца, што прагрэс у перамовах прымусіць Вашынгтон скасаваць пастанову аб замарожванні абмену выведвальнымі звесткамі і пастаўкамі зброі.

Адзін з украінскіх чыноўнікаў дадаў, што ў кароткатэрміновай перспектыве Кіеў будзе даваць прыярытэт наладжванню сувязяў з ЗША. У той час два еўрапейскія чыноўнікі заявілі, што Кіеў разглядае прагрэс у перамовах аб спыненні агню як «паслугу за паслугу» за аднаўленне вайсковай і выведвальнай дапамогі.

Прадстаўнік Дзярждэпа ЗША паведаміў, што дзяржаўны сакратар Марка Рубіё будзе знаходзіцца ў савудаўскім горадзе Джыда з панядзелка да серады на перамовах з мэтай «прасоўвання мэты прэзідэнта для спынення расейска-ўкраінскай вайны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]