Геолаг паставіў крыж на планах Лукашэнкі

Здабываць рэдказямельныя металы ў Беларусі пакуль няма сэнсу.

Намеснік генеральнага дырэктара "Навукова-вытворчага цэнтра геалогіі" Васіль Колб у інтэрв'ю дзяржаўнай ТВ адзначыў, што шэраг рэдказямельных металаў і элементаў (малібдэн, тулій) быў выяўлены ў Беларусі яшчэ ў савецкі час. Але залягаюць яны «на дастаткова вялікай глыбіні, 200–250 метраў”, таму казаць пра прамысловыя маштабы іх здабычы пакуль немагчыма.

Таксама геолаг заявіў, што ў беларускіх спецыялістаў няма досведу здабычы такіх карысных выкапняў, таму нават для ацэнкі перспектыў радовішчаў - выявіць глыбіню заляганняў, падлічыць рэсурсы і запасы, а таксама вызначыцца з тэхналогіяй здабывання - давядзецца прасіць расейскіх калег.

"А потым ужо будзем глядзець, ці эканамічна ўвогуле рэнтабельна, ці мэтазгодна далей праводзіць дэталёва работы і потым ужо гаварыць аб пытаннях здабычы", - сказаў ён.

Ва Украіне, дадаў Колб, рэдказямельныя выкапні залягаюць на меншай глыбіні, чым у Беларусі:

"Адпаведна, эканоміка здабычы там з плюсам, у нас дзесьці малаэфектыўная альбо пакуль немэтазгодная".

4 сакавіка Аляксандр Лукашэнка даручыў віцэ-прэм'еру Юрыю Шулейку "занурацца" і "капаць", каб паглядзець, "што ёсць у нас у зямлі".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]