ДАІ са стралянінай спыняла кіроўцу ў Салігорску

Ён нібы быў п'яны.

У Салігорску бяспраўнік спрабаваў уцячы ад пагоні ДАІ, інспектары стралялі па колах аўтамабіля. Аб гэтым паведамілі ў прэс-службе МУС.

Паводле звестак ДАІ, блізу дзвюх гадзін ночы 10 сакавіка інспектары падалі сігнал аб спыненні кіроўцы Opel, які рухаўся з выключанымі вонкавымі светлавымі прыборамі. Аднак той павялічыў хуткасць і паспрабаваў уцячы. Пачаўся пераслед.

«Парушальнік ствараў рэальную пагрозу жыццю і здароўю грамадзян, на неаднаразовыя законныя патрабаванні міліцыянтаў не рэагаваў. Для спынення аўто прыцэльнымі стрэламі былі пашкоджаныя колы», — праінфармавалі ў МУС.

Кіроўцу затрымалі. Ім быў 19-гадовы мясцовы жыхар. Хлопец паводзіў сябе агрэсіўна, таму прымяняліся кайданкі.

ДАІ паведамляе, што маладзён нібыта знаходзіўся ў стане алкагольнага ап'янення - 0,64 праміле. Таксама ён ніколі не атрымліваў пасведчанне кіроўцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]