«Не выпусціце гэты шанец»: Туск прывітаў перамовы ЗША і Украіны ў Савудаўскай Арабіі

Прэм'ер-міністр Польшчы пажадаў поспеху абедзвюм старанам.

Прэм'ер-міністр Польшчы Дональд Туск прывітаў пачатак перамоў украінскай і амерыканскай дэлегацыі ў горадзе Джыда, Савудаўская Арабія.

«Дарагія амерыканцы, дарагія ўкраінцы, не выпусціце гэты шанец. Увесь свет глядзіць на вас сёння ў Джыдзе. Поспехаў вам», - напісаў ён.

Перамовы паміж Украінай і ЗША ў Савудаўскай Арабіі

Сёння, 11 сакавіка, у Савудаўскай Арабіі праходзіць сустрэча паміж прадстаўнікамі Украіны і Злучаных Штатаў Амерыкі (ЗША). Чакаецца, што падчас перамоў стораны абмяркуюць пытанне аб аднаўленні вайсковай дапамогі з боку ЗША, а таксама магчымасць перадачы выведвальных звестак.

Кіраўнік Белага дома Дональд Трамп заявіў, што спадзяецца на станоўчыя вынікі перамоў дэлегацый.

У той жа час дзяржаўны сакратар ЗША Марка Рубіё паведаміў, што ў яго няма запланаванай сустрэчы з прэзідэнтам Украіны Уладзімірам Зяленскім, які зараз таксама знаходзіцца ў горадзе Джыда з афіцыйным візітам.

Перамовы паміж дэлегацыямі стартавалі а 12.00 паводле менскага часу.

Украінскі бок на сустрэчы прадстаўляюць:

кіраўнік Міністэрства замежных спраў Андрэй Сібіга,

кіраўнік Офіса прэзідэнта Андрэй Ярмак,

міністр абароны Украіны Рустэм Умераў.

У склад амерыканскай дэлегацыі ўваходзяць дзяржаўны сакратар ЗША Марка Рубіё і дарадца прэзідэнта ў пытаннях нацыянальнай бяспекі Майк Уолтц.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]