Прэзідэнт Кыргызстана: Менск гатовы перадаць Бакіева
20- 11.03.2025, 16:46
- 39,258
Але ёсць умова.
Менск і Бішкек вядуць перамовы аб перадачы Кыргызстану экс-прэзідэнта Курманбека Бакіева, які атрымаў прытулак у Беларусі, заявіў агенцтву «Кабар» прэзідэнт краіны Садыр Жапараў.
Ён пракаментаваў сітуацыю з былым прэзідэнтам Курманбекам Бакіевым пасля таго, як з'явіліся чуткі, што ягоны сын, прысуджаны ў краіне да пажыццёвага зняволення, прылятаў у Кыргызстан.
«Што да Курманбека Бакіева, наконт яго вядуцца перамовы. Нам кажуць: „Калі не пасадзіце, дык гатовыя яго перадаць“. Аналагічная сітуацыя і з Сапарам Ісакавым — „Калі не пасадзіце, гатовыя перадаць хоць сёння“. Мы думаем над гэтым. З аднаго боку, ці можна пагадзіцца, прывезці іх і дапытаць паводле справы ЦЭЦ, паводле справы музея? Няхай раскажуць, хто і колькі грошай атрымаў. А вяртанне скрадзеных сродкаў у бюджэт - гэта ўжо задача сілавых структур. Бо мільярды выкрадзеных сродкаў мы менавіта такімі шляхамі і вярнулі», - распавёў Жапараў.
З яго слоў народ Кыргызстана ўжо 15 гадоў патрабуе: «Чаму не можаце даставіць іх з той жа Масквы ці Менска?»
«Тыя, хто распаўсюджвае ілжывую інфармацыю, магчыма, пачулі пра гэтыя перамовы. Вось і надумалі раздзьмуць чуткі пра Максіма Бакіева. Як было б добра, каб ён сапраўды прыехаў! Мы б яго пасадзілі, а мільярды вярнуліся б у бюджэт», - дадаў прэзідэнт Кыргызстана.
Курманбек Бакіеў вымушана пакінуў сваю пасаду пасля рэвалюцыі ў красавіку 2010 года (падставай для паўстання сталі цяжкае эканамічнае становішча насельніцтва, карупцыя і кланавасць улады ў Кыргызстане). На запрашэнне Аляксандра Лукашэнкі ён уцёк у Беларусь, і дагэтуль знаходзіцца ў міжнародным вышуку.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
