Найбуйнейшыя кампаніі Нямеччыны заявілі, што не вернуцца ў Расею

Ні пры якіх абставінах.

Найбуйнейшыя кампаніі Нямеччыны не збіраюцца вяртацца ў Расею, нягледзячы на магчымае заканчэнне вайны ва Украіне і зняцце санкцый, паведамляе «Нямецкая хваля».

«Цяпер не разглядаецца вяртанне ні пры якіх абставінах», – сказаў выданню прадстаўнік аднаго з найбуйнейшых у свеце вытворцаў станкоў Trumpf. У аўтамабільным канцэрне Volkswagen таксама адзначылі, што не плануюць зноў працаваць на расейскім рынку. У Bosh заявілі, што на гэты момант у кампаніі няма такіх планаў і пакуль «занадта рана» гэта абмяркоўваць.

«Мы не можам будаваць здагадкі аб будучыні, але якога-небудзь удзелу ў Расеі цяпер не прадбачыцца», – сказаў прадстаўнік буйнога прамысловага канцэрна Siemens, які да вайны з Украінай прапрацаваў у Расеі 170 гадоў і меў 2700 расейскіх супрацоўнікаў. Вытворца абутку і спартыўнага адзення Adidas не пакідаў Расею, але закрыў усе свае крамы, спыніў анлайн-гандаль і адмовіўся ад спонсарскай дзейнасці ў краіне пасля ўварвання расейскага войска ва Украіну. «Нічога не змянілася», – паведаміў DW прадстаўнік кампаніі. Ён дадаў, што аб расейскім рынку ў Adidas «ні секунды» не думаюць. Прадстаўнікі крам Metro і вытворцы змазачных матэрыялаў Fuchs, якія працягваюць працу ў Расеі, адзначылі, што не плануюць ніякіх змен у сваёй працы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]