Трамп узняў да 50% мыты на частку тавараў з Канады

Новы тарыф набудзе моц 12 сакавіка.

Амерыканскі прэзідэнт Дональд Трамп у аўторак, 11 сакавіка, абвясціў аб новых тарыфах супраць Канады ў адказ на ўведзены канадскай правінцыяй Антарыё 25% падатак на электраэнэргію для ЗША.

Аб гэтым ён напісаў у нататцы ў TruthSocial.

Трамп заявіў, што даручыў свайму міністру гандлю дадаць дадатковыя 25%-ныя тарыфы на ўсю сталь і алюміній, якія паступаюць у ЗША з Канады пасля таго, як правінцыя Антарыё ўстанавіла 25%-ы тарыф на электраэнэргію, якая паступае ў Злучаныя Штаты.

З яго слоў, гэты тарыф набудзе моц 12 сакавіка.

«Неўзабаве я абвяшчу надзвычайнае становішча ў электраэнэргетыцы ў зоне, якая знаходзіцца пад пагрозай. Гэта дазволіць ЗША хутка зрабіць усё неабходнае, каб паменшыць гэтую неправамерную пагрозу з боку Канады», - заявіў амерыканскі прэзідэнт.

Ён таксама сказаў, што «калі іншыя абуральныя тарыфы, якія ўжо даўно існуюць, не будуць скасаваныя Канадай», ён 2 красавіка істотна павысіць тарыфы на аўтамабілі, якія імпартуюцца ў ЗША, «што, фактычна, назаўжды спыніць аўтамабільную прамысловасць у Канадзе».

«Мы субсідуем Канаду на суму, большую за $200 млрд на год. Так больш не можа працягвацца. Адзінае, што мае сэнс - гэта зрабіць Канаду нашым жаданым 51-м штатам», - упэўнены ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]