Трамп расказаў, што будзе, калі Расея не пагодзіцца на спыненне агню

Многія з РФ будуць забітыя.

Калі краіна-агрэсарка РФ не пагодзіцца на 30-дзённы рэжым спынення агню, вайна будзе працягвацца. Пра гэта заявіў прэзідэнт ЗША Дональд Трамп на брыфінгу ў Белым доме 11 сакавіка па выніках амерыкана-ўкраінскіх перамоў у Савудаўскай Арабіі. Брыфінг трансляваў Fox News.

Амерыканскі прэзідэнт спадзяецца, што Масква, як і Кіеў, пагодзіцца на спыненне агню, у адваротным выпадку ЗША і надалей будуць надаваць вайсковую дапамогу Украіне.

«Калі мы зможам прымусіць Расею гэта зрабіць, гэта будзе цудоўна. Калі мы не зможам, тады мы будзем проста працягваць і шмат хто будзе забіты», – сказаў Трамп.

Таксама ён анансаваў размову з расейскім нелегітымным прэзідэнтам Уладзімірам Пуціным.

11 сакавіка ў Джыдзе (Савудаўская Арабія) адбыліся перамовы Украіны і ЗША. Раней прадстаўнік Міністэрства замежных спраў Украіны Георгій Ціхі паведаміў, што цэнтральнай тэмай іх сустрэчы будзе "шлях да міру".

Па выніках сустрэчы ЗША і Украіна зрабілі супольную заяву, у якой гаворыцца, што Вашынгтон неадкладна аднаўляе вайсковую дапамогу Украіне і абмен выведвальнай інфармацыяй. Акрамя таго, ЗША прапанавалі ўкраінскай дэлегацыі часовы рэжым спынення агню ва Украіне тэрмінам 30 дзён з магчымасцю пралангацыі з узаемнай згоды бакоў. Кіеў на гэта пагадзіўся, наступны крок - за Масквой, гаварыць з якой абавязаліся Злучаныя Штаты. Дарадца Трампа ў пытаннях нацыянальнай бяспекі Майк Уолтц распавёў, што будзе размаўляць з расейскай стараной “найбліжэйшымі днямі”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]