У Расеі з'явіліся пытанні да мяса з Беларусі

Што з прадукцыяй не так.

Федэральная служба ветэрынарнага і фітасанітарнага нагляду РФ (Рассельгаснагляд) будзе праводзіць узмоцнены лабараторны кантроль мясной прадукцыі з некалькіх беларускіх прадпрыемстваў. Гэта вынікае з дакумента, апублікаванага на сайце ведамства.

Кантрольныя органы знайшлі неадпаведнасць у мясе з Беларусі, якое пастаўляюць у РФ даволі буйныя беларускія вытворцы.

У дакуменце сказана, што асаблівую ўвагу будуць надаваць прадукцыі прадпрыемстваў "Донапрыс" з Гомеля, "Агракамбінат "Дзяржынскі", "Глыбоцкі мясакамбінат" і філіяла "Камянецкі" "Берасцейскай міжраённай гандлёвай базы".

Спецыялісты знайшлі ў мясе незаяўленыя ГМА-кампаненты, бактэрыі кішачнай палачкі і лістэрыю ў ялавічыне. Акрамя таго, з 11 сакавіка абмежавалі ўвоз на тэрыторыю суседняй краіны мяса ад кампаніі ТАА "Межава СТАРТ".

Цяпер у Расеі прадукцыю будуць дадаткова лабараторна кантроляваць, а калі правілы скасуюць - не паведамляецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]