Жыхар Слуцка прыйшоў у шпіталь з нажом

Мужчына параніў сваю сяброўку і медсястру, пагражаў забойствам дзіцяці, забарыкадаваў дзверы.

Жыхар Слуцка пагражаў сваёй сяброўцы нажом і шпрыцам, а пасля параніў яе і прыставіў нож да горла дзіцяці жанчыны. Суд вынес яму прысуд за пагрозу забойствам, піша «Слуцкі край».

Летась у чэрвені 42-гадовы жыхар Слуцку прыйшоў у педыятрыю мясцовай лякарні, дзе ў палаце знаходзіліся ягоная сужыцелька з пяцігадовым сынам. Мужчына пасварыўся з сяброўкай на глебе рэўнасці.

Дзверы палаты ён заблакаваў мэбляй, а пасля «дэманстраваў нож і напоўнены вадкасцю шпрыц, якія знаходзіліся ў руках, выказваў пагрозы забойствам з выкарыстаннем гэтых прадметаў», расказалі ў пракуратуры.

Сяброўку ён не менш як два разы ўдарыў нажом у спіну. А яшчэ прыстаўляў нож да шыі дзіцяці, прадаўжаючы выказваць пагрозы. Апроч іншага, праз неасцярожнасць параніў руку медсястры. Яна спалохалася за жыццё дзіцяці і змагла прарвацца ў палату – паспрабавала адабраць нож.

Суд прызнаў яго вінаватым у пагрозе забойствам, калі меліся падставы баяцца яе ажыццяўлення. На падставе арт. 186 КК яму прызначылі паўтара гады калоніі агульнага рэжыму. Прысуд пачаў законнае дзеянне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]