У Гародні аўтаінспектары разабралі парушэнні ПДР і здзівіліся

Усяго на адным прадпрыемстве - больш за 300 выпадкаў з пачатку года.

У Гародні з пачатку года адбылося больш за 300 парушэнняў ПДР, віноўнікамі якіх былі работнікі аднаго прадпрыемства, паведамляе «Гродна Плюс».

Каб спыніць гэтую тэндэнцыю, сілавікі правялі выязное пасяджэнне на гэтым самым прадпрыемстве, дзе ў прысутнасці супрацоўнікаў і кіраўніцтва разабралі апошнія інцыдэнты.

Выязное пасяджэнне прайшло 12 сакавіка на прадпрыемстве «Гроднажылбуд».

Самымі частымі прычынамі парушэнняў сталі размова праз тэлефон за стырном, адсутнасць тэхагляду і кіраванне аўтамабілем у стане алкагольнага ап'янення. Удакладняецца, што ўсё гэта гарадзенцы рабілі ў непрацоўны час.

Як расказаў намеснік начальніка міжраённага аддзела УДАІ УУС Гарадзенскага аблвыканкама Віталь Лойка, аднаго з работнікаў прадпрыемства спынілі на тэрыторыі горада за п'яную язду: у выдыханым паветры было больш за 0,8 праміле. Мужчыну пагражае штраф 200 базавых адзінак (8400 рублёў) з пазбаўленнем права кіравання на пяць гадоў.

- Гэтыя факты здараюцца ў сувязі з асабістай недысцыплінаванасцю кіроўцаў, - растлумачыў Лойка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]