Украіна ўзялася за «Беларуськалій»

Пададзены пазоў супраць беларускага прадпрыемства.

Міністэрства юстыцыі Украіны падало ў суд пазоў аб выкарыстанні да прадпрыемства «Беларуськалій» абмежавальных захадаў, прадугледжаных законам «Аб санкцыях», паведамляе прэс-служба ведамства.

Да спагнання ў даход дзяржавы заяўленыя «актывы, якія належаць падсанкцыйнай асобе, а менавіта: карпаратыўныя правы, сродкі, чыгуначныя вагоны, калійныя ўгнаенні».

У паведамленні зазначаецца, што «Беларуськалій» з'яўляецца «вядучым дзяржаўным вытворцам калійных угнаенняў у Беларусі і адным з найбуйнейшых падаткааплатнікаў у бюджэт Рэспублікі Беларусь», якая «цалкам кантралюецца палітычнай верхавінай» у Менску, «у тым ліку непасрэдна самаабвешчаным прэзідэнтам Аляксандрам Лукашэнкам».

Заяўляецца, што прадпрыемства сваімі дзеяннямі «спрыяе вядзенню вайны супраць Украіны праз фінансава-гаспадарчыя ўзаемастасункі з прадпрыемствамі вайскова-прамысловага комплексу Расейскай Федэрацыі і акупацыйнымі адміністрацыямі самаабвешчаных «ДНР» і «ЛНР».

«Таксама ААТ «Беларуськалій» падавала транспарт для перавозкі і памяшканне для знаходжання ўкраінскіх дзяцей, вывезеных з часова акупаваных тэрыторый, на тэрыторыі Рэспублікі Беларусь, і ўдзельнічала ў арганізацыі і фінансаванні мерапрыемстваў, звязаных з падтрыманнем палітыкі дзяржавы-агрэсаркі ў непрызнанні права ўкраінскага народа на самаідэнтыфікацыю», - падкрэслівае Мінюст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]