«Голас Амерыкі» прыпыніў сваю працу

Журналісты атрымалі паведамленне аб адміністрацыйным адпачынку на нявызначаны тэрмін.

Экс-супрацоўнік міжнароднага транслятара «Голас Амерыкі» Астап Ярыш пацвердзіў, што 15 сакавіка журналісты гэтага медыя атрымалі паведамленне аб адміністрацыйным адпачынку на нявызначаны тэрмін.

Аб гэтым журналіст напісаў у сацсетцы Facebook.

З ягоных слоў, гэта азначае, што на гэты час «Голас Амерыкі» прыпыніў сваю працу.

«Практычна ўсе, каго я ведаю з «Голаса Амерыкі», з розных аддзелаў і моўных службаў, сёння атрымалі емейлы аб тым, што іх адпраўляюць у вымушаны адпачынак на нявызначаны тэрмін. Гэта азначае, што на гэты час «Голас Амерыкі», які вяшчае на 49 мовах па ўсім свеце, прыпыніў сваю працу. Калі і ў якім выглядзе яна адновіцца (і ці адновіцца), пакуль незразумела»,- напісаў Ярыш.

Пакуль афіцыйных заяў аб спыненні дзейнасці міжнароднага вяшчальніка «Голас Амерыкі» не было.

Што папярэднічала?

У лютым паведамлялася, што амерыканскі мільярдэр і спецыяльны дзяржслужбовец адміністрацыі прэзідэнта ЗША Ілан Маск хоча закрыцця дзяржаўных СМІ ЗША «Радыё Свабода» і «Голасу Амерыкі».

Нагадаем, раніцай суботы, 15 сакавіка, штатныя супрацоўнікі «Голасу Амерыкі» ў ЗША атрымалі электронны ліст ад аддзела кадраў з паведамленнем аб тым, што яны адпраўленыя ў аплатны адміністрацыйны адпачынак.

Раней паведамлялася, што лідар ЗША Дональд Трамп падпісаў указ, які прадугледжвае скарачэнне 7 федэральных агенцтваў. Гэта адбываецца ў рамках «скарачэння федэральнай бюракратыі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]