Трамп паабяцаў «абрынуць пекла» на хусітаў і асабіста назіраў за ўдарамі па Емену
21- 16.03.2025, 16:27
- 9,918
Цяперашняя хваля атак ставіла тры мэты.
Прэзідэнт ЗША Дональд Трамп заявіў, што аддаў загад аб нанясенні «рашучых і магутных» удараў ЗША па паўстанцах-хусітах у Емене. Як піша The Wall Street Journal, ён заявіў, што «пекла абрынецца», каб супрацьстаяць аперацыям паўстанцаў. Са слоў Трампа, удары будуць працягвацца, пакуль хусіты не спыняць напады на марскія судны ля ўзбярэжжа.
Таксама на старонцы Белага дома ў Х апублікаванае фота Трампа, які асабіста назіраў за нанясеннем удараў.
President Trump is taking action against the Houthis to defend US shipping assets and deter terrorist threats.
— The White House (@WhiteHouse) March 15, 2025
For too long American economic & national threats have been under assault by the Houthis. Not under this presidency. pic.twitter.com/FLC0E8Xkly
«Прэзідэнт Трамп ужывае захады супраць хусітаў, каб абараніць амерыканскія суднаходныя актывы і стрымаць тэрарыстычныя пагрозы», - гаворыцца ў паведамленні.
З паведамленняў мясцовых жыхароў, у суботу ў наваколлях сталіцы Саны прагрымелі выбухі. Прадстаўнік міністэрства аховы здароўя заявіў, што сама меней 31 мірны жыхар быў забіты і 101 паранены ў суботу.
Адзначаецца, што сярод аб'ектаў, якія зазналі ўдары, былі дамы лідараў хусітаў, якія пражываюць у сталіцы. Удары былі нанесеныя па горадзе Саадзе, дзе размяшчаюцца хусіты, і па раёне Сана ў Джэрафе.
Пры гэтым амерыканскія вайсковыя чыноўнікі назвалі суботнія ўдары пачаткам працяглай кампаніі супраць паўстанцкай групоўкі.
Падчас аперацыі былі нанесеныя «высокадакладныя ўдары па цэлях хуці па ўсім Емене, якія падтрымліваюцца Іранам, для абароны амерыканскіх інтарэсаў, стрымлівання ворагаў і аднаўлення свабоды суднаходства», - гаворыцца ў паведамленні Цэнтральнага камандавання ЗША ў X.
Са слоў двух суразмоўцаў выдання, цяперашняя хваля ўдараў мае тры мэты.
У кароткатэрміновай перспектыве яна накіраваная на ракетныя ўстаноўкі хусітаў, якія перакідаюцца да ўзбярэжжа для падрыхтоўкі да новых атак на марскія судны. Таксама ўдары наносяцца па кіраўніцтве хусітаў. І, нарэшце, удары даюць зразумець Ірану, што ён можа стаць наступным, і паказваюць, які вайсковы патэнцыял і моц могуць быць задзейнічаныя, адзначаюць крыніцы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
