У Еўропе абмяркоўваюць вяртанне да абавязковай службы ў войску

"За" выступаюць французы і немцы.

Поўнамаштабнае ўварванне Расеі ва Украіну ў лютым 2022 года заспела Еўропу знянацку. Асцярогі наконт трываласці NATO ўзраслі яшчэ больш пасля таго, як прэзідэнт ЗША Дональд Трамп паставіў пад сумненне сваю прыхільнасць артыкулу 5 - пункту аб узаемнай абароне ў выпадку нападу на аднаго з чальцоў Альянсу. Цяпер еўрапейскія краіны абмяркоўваюць вяртанне да вайсковай павіннасці, паведамляе France 24.

Адзначаецца, што зрух Трампа ў бок больш прымірыцельнага падыходу да Крамля выклікаў трывогу ў Еўропе. У гэты ж час еўрапейскія лідары прызнаюць, што пагроза расейскай агрэсіі рэальная, асабліва зараз.

«Сёння расейскія ўзброеныя сілы большыя і лепшыя, чым 24 лютага 2022 года. У расейцаў ёсць варожыя намеры ў дачыненні да краін Балтыі і ўсходняга флангу ЕЗ», - распавёў журналістам навуковы супрацоўнік Інстытута палітычных навук (IPW) Гейдэльбэргскага ўніверсітэта Аляксандр Бурылкоў.

Паводле даследавання, праведзенага экспэртам у суаўтарстве з аналітычным цэнтрам Bruegel і Кільскім інстытутам, для стрымлівання Расеі ў выпадку нападу Еўропе можа спатрэбіцца яшчэ 300 000 вайскоўцаў у дадатак да 1,47 мільёнам вайскоўцаў, якія ўжо знаходзяцца на службе.

«Набор у войска павінен адыграць сваю ролю пры любой такой вялікай колькасці новых войскаў», - падкрэсліў Бурылкаў.

У выданні падкрэслілі, што еўрапейскія краіны імкнуцца павялічыць свае выдаткі на абарону. У гэты ж час некаторыя краіны, уключаючы Францыю і Вялікабрытанію, маюць цяжкасці з наборам і ўтрыманнем вайскоўцаў.

Ipsos-CESI нядаўна правяла апытанне сярод французаў аб тым, як яны ставяцца да аднаўлення вайсковай службы. Высветлілася, што 86% жыхароў краіны падтрымліваюць гэтую ідэю. Таксама 53% рэспандэнтаў адказалі, што не супраць узнаўлення абавязковай тэрміновай службы.

Паводле апытання YouGov, 58% жыхароў Нямеччыны падтрымліваюць абавязковую вайсковую службу. Меркаванні італьянцаў і брытанцаў падзяліліся, а 53 адсоткаў іспанцаў выступілі супраць такой ініцыятывы.

У выданні нагадалі, што пасля "халоднай вайны" многія еўрапейскія краіны скасакавалі абавязковы набор у войска. Толькі Грэцыя, Кіпр, Аўстрыя, Швайцарыя, Данія, Эстонія, Фінляндыя, Нарвэгія і Турцыя ніколі не прыпынялі яго.

Літва вярнула набор у войска ў 2015 годзе, праз год пасля таго, як Расея анэксавала Крым. Швэцыя пераняла гэты прыклад у 2017 годзе, а Латвія - у 2023 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]