У Беларусі паскараецца інфляцыя

Павелічэнне коштаў заўважылі нават лаяльныя да ўлады экспэрты.

Аналітыкі Еўразійскага банка развіцця, якія лаяльныя да беларускай улады, у сваім штотыднёвым макрааглядзе чарговым разам закранулі тэму інфляцыі ў Беларусі, а таксама зноў агучылі свой прагноз наконт змянення яе ўзроўню ў найбліжэйшыя месяцы.

У ЕАБР нагадалі, што ў лютым гадавы паказчык інфляцыі ў Беларусі склаў 5,6 адсотка пасля 5,2 адсотка ў студзені.

Як адзначаюць у банку, што паскарэнне росту коштаў адзначаецца ва ўсіх асноўных кампанентах спажывецкага кошыка: кошты прадуктаў харчавання выраслі ў лютым на 6,7% пасля 6,5% месяцам раней, на нехарчовыя тавары - на 3,4% пасля 3,3% у студзені.

Найбольш прыкметнае паскарэнне адзначаецца ў паслугах (6,5% год да года пасля 5,2%), што звязана з падвышэннем рэгуляваных тарыфаў на ЖКП.

Захоўваецца падвышальная дынаміка ва ўстойлівай кампаненце: базавая інфляцыя склала 5,8 адсотка ў лютым пасля 5,7 адсотка ў студзені 2025 года.

Экспэрты ЕАБР заявілі, што чакаюць захавання інфляцыі на ўзроўні блізу 5,5% год да года ў найбліжэйшыя месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]