«Першае слова, што вымавіць тэлефон, будзе «Гарэлка»

Гарадзенцы купілі цацку дзіцяці і вельмі здзівіліся агучванню.

Малыя любяць паўтараць усё за дарослымі. І калі ў бацькоў ёсць мабільны тэлефон, то і дзіця, вядома, хоча мець такі ж. Сапраўдны купляць не будзеш, а вось цацка-заменнік можа пасаваць. Гарадзенцы купілі такі дэвайс і вельмі здзівіліся, піша Newgrodno.

«Цацка размаўляла. Націскаеш на сімвал на экране, тэлефон прамаўляе фразы ці ўключае музыку. На першы погляд усё добра, але калі прыгледзішся, з'яўляюцца нюансы», - прызнаецца чытач Анатоль.

Як вам сімвал з подпісам «Спачывай спакойна»?! Хутчэй за ўсё, гэта пажаданне спакойнай ночы, бо пры націску на яго ўключаецца спакойная музыка, але ўсё ж выглядае гэта крыху жудасна.

«А вось калі націснуць на абразок «Еж» (хутчэй за ўсё, гэта значыць «Ежа»), то першае слова, што скажа тэлефон, будзе «Гарэлка», - смяецца мужчына. Далей, відаць, тэлефон пералічвае закуску: хлеб, сыр і салату.

Калі прыгледзецца, то і подпісы пад сімваламі дзіўныя. Недзе не стае літар, недзе дзіўныя скарачэнні.

«Вось такія цяжкасці перакладу», - кажа Анатоль.

Купілі тэлефон у адной з крамак у Гародні. Аддалі за гэтую цацку 17 рублёў. Але вяртаць яе назад бацькі не плануюць, бо тэлефон спадабаўся дачцэ. Гуляе яна з ім з задавальненнем, бо для малой нюансы з перакладам пакуль не такія важныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]