Мультфільм, які атрымаў прэмію «Оскар», знялі з паказу ў Беларусі

Раней гэтага патрабавалі аўтары анімацыйнай стужкі.

Латвійскі мультфільм «Плынь» знялі з паказу ў Менску. Раней гэтага патрабавалі аўтары анімацыйнай стужкі, якая сёлета атрымала прэмію "Оскар". Яны падкрэслівалі, што паказы мультфільма ў Беларусі і Расеі праходзяць нелегальна.

Апошнія дні фільм паказвалі толькі ў адным сталічным кінатэатры - Skyline Cinema у гандлёвым цэнтры Galileo. Паказы праходзілі тры-чатыры разы на дзень, білеты каштавалі ад 14 рублёў. Згодна з афішай мультфільм мусіў дэманстравацца да 19 сакавіка, але 17 сакавіка ён знік з сайта кінатэатра, заўважыла «Радыё Свабода».

Наведвальнікам патлумачылі, што «магчыма, стужка яшчэ вернецца на экраны праз некалькі дзён, але ўпэўненасці ў гэтым няма». Прычыны такой пастановы не назвалі. Пра гэта журналістам расказаў чалавек, які планаваў найбліжэйшым часам пайсці на паказ мультфільма.

Раней мультфільм «Плынь» у Беларусі паказвалі таксама ў менскіх кінатэатрах «Цэнтральны» і Falcone.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]