Белы дом: Трамп гатовы да санкцый супраць РФ

Прэзідэнт ЗША ўвядзе абмежаванні, калі размова з Пуціным не будзе паспяховай.

Прэзідэнт ЗША Дональд Трамп можа ўвесці санкцыі супраць Расеі, калі ягоныя перамовы з расейскім дыктатарам Уладзімірам Пуціным не пройдуць паспяхова.

Пра гэта на брыфінгу заявіла прэс-сакратарка Белага дому Каралін Лівіт.

На ейную думку, Украіна і Расея «ніколі не былі бліжэй да мірнага пагаднення, чым цяпер».

«Прэзідэнт (Трамп – рэд.) поўны катэгарычнага намеру дамагчыся гэтага», – падкрэсліла Лівіт.

Пры гэтым журналісты спыталі ў яе, ці будзе Трамп разглядаць магчымасць увядзення санкцый супраць Расеі, калі ягоны заўтрашні званок з Пуціным не пройдзе паспяхова.

«Прэзідэнт пра гэта гаварыў, і, вядома, ён гатовы гэта зрабіць, калі спатрэбіцца», – адказала Лівіт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]