УСУ змогуць выкарыстоўваць на фронце робата-жаўнера «Лютасць»

Ён вырабляецца ва Украіне.

Міністэрства абароны Украіны кадыфікавала і дапусціла да эксплуатацыі ў падраздзяленнях Сіл абароны Украіны наземны рабатызаваны комплекс «Лютасць». Ён вырабляецца ва Украіне.

Пра гэта паведамляе прэс-служба Мінабароны Украіны.

Паводле інфармацыі Мінабароны, гэты комплекс прызначаны для выканання шырокага спектра задач у складаных варунках. Напрыклад, для вядзення назірання і агнявой падтрымкі дзеянняў нашых падраздзяленняў.

Рабатызаваны комплекс «Лютасць» быў выпрабаваны ў рэальных баявых умовах. Робат узброены кулямётам калібру 7.62 і дадатковым абсталяваннем, дзякуючы якому можа выяўляць і знішчаць цэлі як днём, так і ўначы.

«Лютасць» досыць кампактны, бо ён змяшчаецца ў кузаў вайсковага пікапа. Ён абсталяваны бясшумным электрычным рухавіком. Ёмістасці акумулятараў дастаткова на даволі працяглы час працы. НРК мае дастаткова высокі кліранс, што дазваляе стабільна перасоўвацца па мясцовасці са складаным рэльефам. Ён працуе пры шырокім дыяпазоне тэмператур.

Аператар кіруе комплексам з абароненай пазіцыі, максімальна бяспечна. Галоўная задача наземных робатаў - узмацніць украінскія падраздзяленні і замяніць салдата на самых небяспечных адцінках.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]