Адзін з «партманэтаў» Лукашэнкі заняўся вельмі нетыповым бізнэсам

Зайцаў вязе ў Беларусь Z-спевакоў.

У Пружанах у канцы чэрвеня на стадыёне "Мухавец" пройдзе open-air "Солнцестоянние". Гэта другі такі фестываль, першы прайшоў у гэтым жа горадзе. Сярод анансаваных хэдлайнераў гэтага года значацца музыкі, якія падтрымалі вайну ва Украіне: Юлія Чычэрына, Святлана Сурганава, гурты "Аліса", "Арыя", "Чайф". Як высветліла “Бюро”, да гэтага фестывалю датычны адзін з “парманэтаў” Лукашэнкі – бізнэсовец Аляксандр Зайцаў.

У жніўні 2024-га Аляксандр Зайцаў стварыў у Менску кампанію “Солнцестоянние” для правядзення відовішчных культурна-масавых мерапрыемстваў, паведамляе «Бюро» са спасылкай на звесткі Адзінага дзяржаўнага рэгістра юрыдычных асоб і ІП (дакументы: 1 і 2). А ў кастрычніку мінулага гады кампанія змяніла сталічны юрыдычны адрас на пружанскі.

У верасні 2024-га Аляксандр Зайцаў зарэгістраваў на сябе асабіста аднайменны таварны знак - ён цалкам супадае з афіцыйным лагатыпам фестывалю.

Фестываль "Солнцестоянние" стартаваў у Беларусі мінулым летам. На маштабным канцэрце для беларусаў тады выступілі расейскія легенды року: Вадзім Самойлаў (“Агата Крысці”), Сяргей Бабунец (“Сэнсавыя галюцынацыі”), гурты “Браты Грым”, “Маральны кодэкс”, “Парк Горкага”, “Кіпелаў”, “The Чыж&Co” ды іншыя. Некаторыя з іх таксама падтрымалі расейскую агрэсію ва Украіне.

На старонцы “Солнцестоянния” ў Instagram ёсць дзясяткі абураных каментароў. Карыстальнікі абураюцца наконт кошту білетаў. Так, у 2024 годзе наведвальнікі выкладалі ад 23 да 285 беларускіх рублёў. А ў 2025-м білеты каштуюць ужо ад 190 да 650 рублёў у залежнасці ад зоны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]