30-тысячны Дзяржынск застаўся без гарачай вады і ацяплення

На цэнтральных сетках цеплазабеспячэння здарылася аварыя.

30-тысячны райцэнтр Дзяржынск 19 сакавіка застаўся без ацяплення і гарачай вады.

Як паведамляе «Еўрарадыё», блізу 13.30 адбыўся парыў на цэнтральных магістральных цепласетках горада. Падагрэў і гарачую ваду па ўсім горадзе давялося адключыць, бо аварыя адбылася на цэнтральнай цепласетцы.

Работнікі Дзяржынскай ЖКГ ужо заняліся рамонтам на вуліцы Пралетарскай.

У сувязі з рамонтнымі работамі часова перацяты рух аўтатранспарту на вуліцы Пралетарскай ад дома 32 на вуліцы Менскай да Паштовага завулка.

Дарэчы, два тыдні таму такая камунальная аварыя ўжо здаралася ў Дзяржынскім раёне. Тады без вады заставаліся жыхары часткі пасёлка Фаніпалі, а таксама вёсак Падсасоння і Халмы (Фаніпальскі сельсавет).

Такія аварыі ў апошні час сталі адбывацца ўсё часцей у розных рэгіёнах краіны, бо інфраструктура патрабуе аднаўлення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]