Стала вядома пра затрыманне папулярызатара навукі з Гомеля

Мужчыну затрымалі разам з грамадзянскай жонкай.

Як стала вядома «Флагштоку» з некалькіх крыніц, гамяльчук Дзмітры Новікаў у канцы кастрычніка 2024 года быў затрыманы міліцыяй разам з грамадзянскай жонкай Вікторыяй Разуванавай. Затрыманне адбылося ў Менску, дзе Дзмітрыйі Вікторыя жылі ў апошні час.

Прычынай затрымання сталі фотаздымкі з мітынгу 2020 года, знойдзеныя пры надглядзе тэлефона. Суд над Дзмітрыем павінен пачацца ў канцы сакавіка паводле артыкула 342 «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх». Статус Вікторыі ўстанаўліваецца.

Дзмітрый Новікаў вядомы ў Гомелі па мянушцы Агнявіт як аўтар-выканаўца, папулярызатар навукі, краязнаўца, блогер. У апошні час яго дзейнасць была звязаная з папулярызацыяй археалогіі і палеанталогіі.

У канцы 2024 года яго праекты - Telegram-канал «Байкі дзядзечкі Агнявіта», сайт PaleoNews, YouTube-канал з даведнікам па Беларусі перасталі абнаўляцца.

На сайце PaleoNews Дзмітрый публікаваў навіны палеанталогіі, пераклады замежных навінавых агенцтваў і інфармацыю, атрыманую ад расейскіх навукоўцаў.

На YouTube-канале Новікаў дзяліўся ўлюбёнымі маршрутамі і цікавымі знаходкамі, расказваў пра цікавыя, але невідавочныя мясціны і славутасці Беларусі, пра якія звычайна не пішуць у стандартных гідах і даведніках.

Падпісчыкі яго краязнаўчага канала распачалі спробу самастойных пошукаў Дзмітрыя Новікава і прыйшлі да несуцяшальнай высновы: «Усе каналы, што кідалі допісы аб знікненні аўтара, допісы выдалілі, што дрэнны знак».

Характэрна, што ў Telegram выявілася некалькі актыўных акаўнтаў, якія выдаюць сябе за кантактную старонку Дзмітрыя Новікава. Імаверна, такія акаўнты былі створаныя з мэтай правакацый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]