Трамп паабяцаў дапамагчы Украіне з дадатковымі Patriot
- 19.03.2025, 21:08
- 3,172
Пра гэта паведамілі ў Белым доме.
Амерыканскі прэзідэнт Дональд Трамп паабяцаў украінскаму лідару Уладзіміру Зяленскаму супрацоўнічаць з ім у пошуку сістэмаў супрацьпаветранай абароны Patriot для Украіны.
Пра гэта паведамілі ў Белым доме паводле вынікаў размовы прэзідэнтаў ЗША і Украіны.
Як расказалі ў Белым доме, падчас тэлефоннай размовы лідары пагадзіліся, што «Украіна і Амерыка будуць прадаўжаць працаваць разам, каб дасягнуць рэальнага спынення вайны», а таксама, што пад кіраўніцтвам Трампа «можна дасягнуць доўгага міру».
Адзначаецца, што Зяленскі папрасіў дадатковую сістэму супрацьпаветранай абароны для абароны цывільнага насельніцтва, сярод іншага комплексы Patriot.
«Прэзідэнт Трамп пагадзіўся супрацоўнічаць з ім, каб знайсці тое, што даступна, напрыклад у Еўропе», – заявілі ў Белым доме.
Таксама амерыканскі прэзідэнт «цалкам праінфармаваў» Зяленскага пра сваю размову з кіраўніком Крамля Уладзімірам Пуціным.
«Яны абмеркавалі сітуацыю ў Курскай вобласці і дамовіліся цесна абменьвацца інфармацыяй паміж сваімі абароннымі ўстановамі з развіццём сітуацыі на полі бою», – дадалі ў Белым доме.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
