Урад Брытаніі раскрыў падрабязнасці саміту з Зяленскім у Лондане

Кір Стармер агучыў галоўныя тэмы.

У Лондане ў нядзелю, 2 сакавіка, адбудзецца саміт па Украіне. У ім возьмуць удзел лідары больш чым 10 дзяржаў, кіраўніцтва ЕЗ і NATO.

Пра гэта паведамляе ўрад Вялікай Брытаніі.

Як адзначае ўрад, у саміце возьме ўдзел прэзідэнт Украіны Уладзімір Зяленскі, а таксама лідары Францыі, Нямеччыны, Даніі, Нідэрландаў, Нарвегіі, Польшчы, Гішпаніі, Канады, Фінляндыі, Швэцыі, Чэхіі і Румыніі.

Таксама будзе прысутнічаць міністр замежных спраў Турцыі Хакан Фідан, генеральны сакратар NATO Марк Рутэ і прэзідэнтка Еўрапейскай камісіі Урсула фон дэр Ляен і кіраўнік Еўрапейскай рады Антоніу Кошту.

Прэм'ер-міністр Вялікай Брытаніі Кір Стармер раніцай 2 сакавіка сустрэне прэм'ера Італіі Джорджу Мелоні на Даўнінг-стрыт. Потым далучацца іншыя лідары.

Галоўныя тэмы саміту:

умацаванне пазіцый Украіны цяпер - уключаючы сталую вайсковую падтрымку і ўзмацненне эканамічнага ціску на Расею;

неабходнасць трывалага працяглага пагаднення, якое забяспечыць сталы мір ва Украіне і гарантуе, што Украіна зможа стрымліваць і абараняцца ад будучых нападаў з боку Расеі;

наступныя крокі ў планаванні надзейных гарантый бяспекі.

«У партнёрстве з нашымі хаўруснікамі мы павінны ўзмацніць падрыхтоўку да еўрапейскага элемента гарантый бяспекі разам з працягам дыскусій з ЗША. У нас ёсць магчымасць аб'яднацца, каб забяспечыць справядлівы і працяглы мір ва Украіне, які гарантуе іх суверэнітэт і бяспеку», - заявіў Стармер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]