Ашуканцы ўсё часцей тэлефануюць беларусам з адной і той жа «гісторыяй»
7- 2.03.2025, 15:09
- 5,696
Прапануюць «задэклараваць» грошы, каб не мець праблем з законам.
Аферысты сталі ўсё часцей тэлефанаваць людзям і сцвярджаць, што сродкі ахвяр пераводзіліся тэрарыстам. Таксама працягвае выкарыстоўвацца схема махлярства, калі зламыснікі гавораць людзям, што іх блізкія трапілі ў аварыю і маюць патрэбу ў дапамозе. Такім чынам вымантачваюць грошы ў асноўным у жанчын сталага веку, паведамляе прэс-служба МУС.
Пачашчаліся выпадкі, калі аферысты ў месэнджарах прадстаўляюцца праваахоўнікамі і пераконваюць ахвяру, што з яе рахункаў былі пераводы тэрарыстычным арганізацыям. Ахвярам прапануюць «задэклараваць» іх грошы і перавесці на «бяспечныя рахункі», каб нібыта не мець праблем з законам.
«Часам пацярпелых запалохваюць і саміх выкарыстоўваюць як пасланнікаў. Два замежнікі 53 і 57 гадоў, стаўшы ахвярамі зламыснікаў, на іх указанне прыбылі ў Беларусь, дзе ўдзельнічалі ў злачынных схемах і былі затрыманыя міліцыянтамі», - адзначае МУС.
Акрамя таго, злачынцы ўсё яшчэ актыўна ашукваюць людзей, сцвярджаючы, што іх блізкія ў небяспецы.
«Грамадзянам, у асноўным паджылым жанчынам, праз тэлефон паведамляецца ілжывая інфармацыя аб учыненні іх сваякамі ДТЗ, і што для надання ім тэрміновай дапамогі неабходная значная сума. Пацярпелыя перадаюць гатоўку кур'еру», - распавядае МУС аб схемах ашуканцаў.
Каб не трапіцца на хітрыкі ашуканцаў, МУС рэкамендуе:
- калі вам патэлефанаваў незнаёмец з інфармацыяй, што ваш сваяк стаў вінаватым у ДТЗ, або з прапановай задэклараваць наяўныя зберажэнні або ўзяць у банках крэдыты і перавесці грошы на «бяспечныя рахункі» - неадкладна спыніце размову;
- памятайце: праваахоўнікі, работнікі банкаў і іншых устаноў не тэлефануюць грамадзянам у мэсэнджары, не прапануюць удзельнічаць у спецаперацыях, не просяць аформіць крэдыты;
- Раскажыце паджылым сваякам і знаёмым аб схемах махлярства, адгаварыце іх ад перадачы грашовых сродкаў трэцім асобам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
