Туск на саміце ў Лондане папросіць супольнікаў узмацніць усходні фланг NATO

Прэм'ер Польшчы хоча размясціць больш войскаў на межах з РФ і Беларуссю.

Прэм'ер-міністр Польшчы Дональд Туск мяркуе, што ўсходні фланг NATO павінен быць узмоцнены. Пра гэта ён будзе прасіць супольнікў на саміце ў Лондане 2 сакавіка.

Заяву Туска перад самітам цытуе BBC.

"Гэта будзе сапраўдным выпрабаваннем намераў і магчымасцяў кожнай еўрапейскай дзяржавы, каб войскі еўрапейскіх супольнікаў прысутнічалі ў Фінляндыі, краінах Балтыі і Польшчы - на межах з Расеяй і Беларуссю", - сказаў ён.

Туск адзначыў, што Польшча павінна мець "дадатковы страхавы поліс" у выглядзе ўмацавання абараназдольнасці краіны і Еўропы. На ягоную думку, Еўропа "павінна ўзяць на свае плечы вялікую адказнасць за бяспеку кантынента".

“Гэта парадокс, паслухайце, як гэта гучыць: 500 млн еўрапейцаў просяць 300 млн амерыканцаў, каб яны іх абаранілі ад 140 млн расейцаў. Калі ўмееш лічыць, то разлічвай на сябе», - дадаў Туск.

Прэм'ер Польшчы таксама заявіў, што падтрымлівае прапанову прэм'ер-міністра Італіі Георгі Мелані склікаць саміт еўрапейскіх лідараў і ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]