Беларус адсудзіў кампенсацыю за ганебную характарыстыку з ранейшага месца працы
7- 21.03.2025, 9:57
- 5,728
Мянчук працаваў у кампаніі, але быў звольнены падчас хваробы.
Жыхар Менска праз суд дамогся прызнання неадпаведнымі рэчаіснасці звестак, указаных у характарыстыцы, якую даў яго былы працадаўца. Суд абавязаў кампанію змяніць дакумент і выплаціць пазоўніку кампенсацыю маральнай шкоды. Пра гэтую гісторыю «Зеркало» даведалася з банка судовых пастаноў.
Пазоўнік працаваў у кампаніі, але быў звольнены падчас хваробы. Пазней ён праз суд дабіўся аднаўлення на працы, аднак неўзабаве зноў сутыкнуўся з праблемамі. Пасля вяртання яго накіравалі на пазачарговую медыцынскую камісію, дзе, як ён сцвярджаў, указалі няісныя шкодныя фактары працы.
Пазней мужчына паспрабаваў уладкавацца на іншае прадпрыемства, якое запытала характарыстыку з ранейшага месца працы. Адказ ад былога працадаўцы прыйшоў амаль праз тры тыдні і ўтрымліваў звесткі, якія, на думку пазоўніка, абражалі ягоны гонар, годнасць і дзелавую рэпутацыю. Яго ахарактарызавалі як "невыканаўчага работніка".
Мужчына ўпэўнены, што характарыстыка была напісаная не для аб'ектыўнай адзнакі яго прафесійных якасцяў, а з жадання адпомсціць за “паразу” ў судзе.
У сувязі з гэтым ён звярнуўся ў суд, патрабуючы прызнаць звесткі несапраўднымі, абавязаць кампанію выправіць характарыстыку і выплаціць яму кампенсацыю маральнай шкоды сумай 10 000 рублёў.
Суд часткова задаволіў пазоў. Некаторыя звесткі з характарыстыкі прызнаныя не адпаведнымі рэчаіснасці, якія ганьбяць гонар, годнасць і дзелавую рэпутацыю пазоўніка. Суд абавязаў фірму змяніць характарыстыку, выключыўшы з яе гэтыя звесткі, а таксама пастанавіў спагнаць з кампаніі і яе дырэктара ў салідарным парадку кампенсацыю маральнай шкоды сумай 700 рублёў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
