Зяленскі адмовіўся ад міратворчай місіі ААН

Прэзідэнт заявіў, што яна не можа абараніць Украіну.

Прэзідэнт Уладзімір Зяленскі заявіў, што Украіна падтрымлівае добрыя стасункі з Арганізацыяй аб'яднаных нацый (ААН), але не разглядае яе як альтэрнатыву кантынгенту або гарантыям бяспекі.

Аб гэтым ён сказаў у пятніцу, 21 сакавіка, падчас прэс-канферэнцыі з прэзідэнтам Чэхіі Петэрам Павелам, піша «Інтэрфакс-Украіна».

«Што да ААН, пры ўсёй павазе — ААН нас не абароніць ад акупацыі ці жадання Пуціна [расейскага дыктатара] прыйсці зноў. Мы не бачым ААН як альтэрнатыву кантынгенту ці гарантыям бяспекі. Мы падтрымліваем разумныя, лагічныя стасункі з ААН, з прадстаўнікамі і генсакратаром, але ААН не можа быць альтэрнатывай гарантыям бяспекі», - заявіў Зяленскі.

У той жа час украінскі прэзідэнт выказаў меркаванне, калі Пуцін надумае зноў напасці, ААН не будзе мець ніякага мандата абараняць Украіну, ці будзе такі мандат у кантынгентах.

«Пакуль што няма адказу на гэтае пытанне, але безумоўна, калі ёсць зразумелыя войскі, ёсць СПА, і ёсць караблі, ёсць самалёты і ёсць сур'ёзнае войска, ёсць рэальная выведка нашых партнёраў тут, ва Украіне, безумоўна пайсці супраць такой інфраструктуры вельмі небяспечна. Ці будзе Расея баяцца ААН? Яны гэтай вайной парушылі ўсё, таму я не думаю, што яны будуць баяцца», - мяркуе Зяленскі.

Раней The Telegraph пісаў, што прэзідэнт Францыі Эмануэль Макрон разглядае магчымасць стварэння місіі пад эгідай ААН, якая магла б прадухіліць новы напад Расеі на Украіну ў выпадку дасягнення мірнай дамовы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]