У Расеі памерла вядомая акторка, зорка «Гусарскай балады»

Ларысе Галубкінай было 85 гадоў.

Расейская і савецкая акторка Ларыса Галубкіна памерла ва ўзросце 85 гадоў. Пра гэта паведамляе агенцтва ТАСС. Таксама пра смерць акторкі напісаў і расейскі тэлевядоўца Андрэй Малахаў.

– Паўгадзіны таму прыйшла навіна, што пайшла з жыцця мая сяброўка, зорка «Гусарскай балады», цудоўная акторка Ларыса Галубкіна… – паведаміў Малахаў у 11.37 паводле менскага часу.

Як піша aif.ru, 9 сакавіка Ларыса Галубкіна адзначыла юбілей – ёй споўнілася 85 гадоў. У кастрычніку 2024-га ў акторкі дыягнаставалі рэдкую хваробу Вальдэнстрэма – невылечнае злаякаснае захворванне сістэмы крыві. Яе здароўе пачало пагаршацца яшчэ ў 2019-м. А ўжо ў пачатку сакавіка сёлета акторка амаль не ўставала і ёй рабілі паліятыўную дапамогу.

Галубкіна дэбютавала ў кіно ў 1962 годзе ў камедыі Эльдара Разанава «Гусарская балада», дзе яна згуляла ролю Шурачкі Азаравай. Таксама яна вядомая ролямі ў фільмах «Дайце кнігу скаргаў», «Казка пра цара Салтана», «Троі ў лодцы, не лічачы сабакі», а таксама ў кінаэпапеі з пяці фільмаў «Вызваленне».

У 1977-м годзе Галубкіна выйшла замуж за вядомага актора Андрэя Міронава, стаўшы яго другой жонкай (ён удачарыў яе дачку ад першага шлюбу). Акторка ўспамінала, што адмаўляла Міронаву тройчы, і толькі на чацвёрты раз пагадзілася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]