Зяленскі прыбыў у камандны пункт на найважнейшым адрэзку фронту

Прэзідэнту Украіны даклалі пра сітуацыю на Пакроўскім кірунку.

Прэзідэнт Украіны Уладзімір Зяленскі наведаў камандны пункт тактычнай групы «Пакроўск». Гэта адбылося ў межах ягонай паездкі ў Данецкую вобласць.

Пра гэта паведамляе РБК-Украіна.

«Уладзімір Зяленскі таксама сустрэўся з Мадзярам, Ахілесам, Хасанам, Верасам і Земляком – камандзірамі “Лініі дронаў”, якая аб'яднала найлепшыя беспілотныя падраздзяленні УСУ», – гаворыцца ў паведамленні.

Таксама прэзідэнт Украіны азнаёміўся з першымі вынікамі працы праекту падчас аперацыі на Курскім, а таксама на Данецкім і іншых кірунках.

Зяленскі адзначыў воінаў ордэнамі Багдана Хмяльніцкага II і III ступеняў.

Сітуацыя на Пакроўскім кірунку

В.а. камандзіра Юры Мадзяр даклаў пра абарону Пакроўскага кірунку, сярод іншага пра аператыўную абстаноўку, пра тое, як выконваюць задачы брыгады, якія ўваходзяць у склад групы, пра намеры расейскіх акупантаў, іх сілы і сродкі.

Адзначым, што за апошні дзень на фронце адбыліся 142 баявыя сутыкненні. Сярод іншага, на Пакроўскім кірунку УСУ адбілі 37 штурмаў расейцаў.

Зяленскі ў Данецкай вобласці

Прэзідэнт Украіны Уладзімір Зяленскі прыехаў у Данецкую вобласць 22 сакавіка. Ён апублікаваў відэа з легендарнай стэлай Данецкай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]