У адным з вадаёмаў Менска плавае качка з дроцікам у шыі

Пра яе вядома ўжо блізу месяца, але ўлады бездапаможныя.

Магчыма, у сацсетках вам траплялася відэа з качкай, у шыі якой тырчыць аранжавы дроцік. Заўважылі яе ў беларускай сталіцы – цяпер людзі заклікаюць знайсці вінаватых і дапамагчы птушцы. Чаму гэта зрабіць не ўдаецца, расказвае агенцтва «Менск-Навіны».

Пра пацярпелую птушку вядома ўжо блізу месяца. Качку з дроцікам заўважылі на Сляпянскай воднай сістэме, побач з вуліцай Клумава. Неабыякавыя людзі ўжо тэлефанавалі ў МНС, аднак, паводле іх словаў, ва ўстанове не змаглі развязаць пытанне. Як пішуць «Менск-Навіны», ратавальнікі «і не павінны гэтым займацца» наўпрост.

Тым не менш інфармацыя пра качку дайшла да патрэбнага месца – адміністрацыі Партызанскага раёна. Паводле закону, дапамогу дзікай жывёле, якая трапіла ў бяду, прапануюць камісіі, створаныя ў мясцовых выканальных і распарадчых органах.

Як расказваюць у адміністрацыі, спробы выратаваць птушку з дапамогай «спецыяльных тэхнічных сродкаў» былі зробленыя. Аднак беспаспяхова: убачыўшы набліжэнне людзей, качка злятае.

Апошні раз камісія, якая складаецца з супрацоўнікаў службы рэагавання на надзвычайныя сітуацыі і ветэрынараў, выязджала на месца 21 сакавіка. Яны адзначаюць, што пагрозы для жыцця качкі ўсё ж няма, бо яна здольная лятаць і харчавацца, але спробы дапамагчы птушцы не будуць пакінутыя.

А вось рабіць гэта самастойна менчукам і мянчанкам не рэкамендуюць: за парушэнне патрабаванняў заканадаўства аб ахове і выкарыстанні жывёльнага свету прадугледжаная адміністрацыйная адказнасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]