Партызаны наладзілі дыверсію на чыгунцы ў Смаленскай вобласці

Па ёй перакідвалі вайсковыя грузы.

Агенты вайсковага партызанскага руху ўкраінцаў і крымскіх татараў "Атэш" правялі дыверсію ў Смаленскай вобласці Расеі. Шляхам падпалу яны знішчылі трансфарматарную шафу на чыгунцы ў раёне вёскі Пярэнка.

Па гэтым маршруце вораг перавозіў тэхніку і вайсковыя грузы ў бок фронту. Пра гэта паведамляецца ў Telegram-канале руху.

«Раней намі неаднаразова фіксавалася перамяшчэнне вайсковых грузаў і тэхнікі па гэтым маршруце ў бок Бранскай і далей Курскай абласцей», - удакладнілі дыверсанты.

З іх слоў, у выніку дзеянняў агентаў была парушаная лагістыка акупантаў - затрыманы перавозкі грузаў, прызначаных для забеспячэння войскаў РФ на лініі фронту.

Таксама агенты адзначылі, што працягваюць назіраць за лагістычнымі і вайсковымі аб'ектамі на тэрыторыі Расеі, тэхнікай і асабовым складам.

«Мы працягнем біць па аб'ектах у РФ і перадаваць інфармацыю Сілам абароны Украіны! Мы заклікаем далучацца да нас неабыякавых грамадзян РФ. Грамадзян, якія разумеюць, што існуючы злачынны рэжым не шануе чалавечае жыццё і пазбаўляе краіну будучыні», - падкрэслілі ў «Атэш».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]