«Удар па аэрадроме «Энгельс» стаў прыніжэннем для РФ»

Атакаваны аэрадром з'яўляецца адным са складальнікаў ядзернай трыяды Масквы.

Атака па расейскім вайсковым аэрадроме «Энгельс» стала іміджавым ударам для краіны-агрэсаркі. Яна прадэманстравала, што Расея не здольная абараніць свае ядзерныя аб'екты, у той час як працягвае бразгаць ядзернай зброяй.

Такое меркаванне выказаў у эфіры тэлеканала FREEДОМ ваенна-палітычны аналітык Дзмітрый Снегіроў. Ён акцэнтаваў, што пашкоджаны аэрадром з'яўляецца адным са складнікаў ядзернай трыяды РФ - там базуюцца стратэгічныя бамбавікі Ту-95МС і Ту-160. Дарэчы, Расея выкарыстоўвае гэтыя самалёты падчас нападаў па Украіне.

«Расейская Федэрацыя ўсяму свету паказала, што не здольная абараніць нават месцы дыслакацыі бамбавікоў, носьбітаў ядзерных баявых набояў. А гэта ўжо сур'ёзныя выклікі для ўсёй сусветнай супольнасці. Краіна, якая штораз бразгае ядзернай зброяй, нават не ў стане забяспечыць сродкамі СПА абарону гэтых стратэгічных аб'ектаў», - растлумачыў экспэрт.

Акрамя таго, атака на «Энгельс» чарговым разам паказала бессэнсоўнаць расейскай супрацьпаветранай абароны. Расейцы заяўляюць, што для нападу Сілы абароны выкарыстоўвалі дроны тыпу «Крыло», якія дазволілі ім пазбягаць удараў СПА РФ.

«Прычым рух ажыццяўляўся, на думку расейскай стараны, з выкарыстаннем сувязі Starlink, гэта значыць нашых амерыканскіх стратэгічных партнёраў. Таму можам казаць пра тое, што нанясенне ўдару па аэрадроме «Энгельс» - гэта элемент ваенна-палітычнага ціску Украіны на расейскую старану», - мяркуе Снегіроў.

На ягоную думку, усе ўкраінскія ўдары па расейскіх аб'ектах звязаныя - няхай гэта будзуць удары па самой РФ або напады на аб'екты ворага на акупаваных тэрыторыях:

«Мы дакладна далі зразумець, у нас ёсць чым адказваць. І расейская старана не ў стане супрацьдзейнічаць вонкавым пагрозам з боку ўкраінскіх сродкаў знішчэння. Гэта тычыцца не толькі аэрадрома «Энгельс», але і АР Крым з яе галоўным лагістычным складнікам – Керчанскім мостам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]