ААН не ўключыла Беларусь у сусветны рэйтынг шчасця

Самая шчаслівая краіна ў свеце - Фінляндыя.

ААН апублікавала чарговы даклад аб шчасці ў свеце, які ахоплівае 147 дзяржаў свету. Там няма Беларусі. У дакуменце World Happiness Report 2025 наша краіна не прадстаўленая ў асноўных табліцах з рэйтынгамі.

Сярод нашых суседзяў самыя шчаслівыя людзі жывуць у Літве - 16 месца. Польшча заняла 26-е месца, Латвія - 51-е, Расея - 66-е, а Украіна - 111-е месца.

Апошні раз Беларусь уключалася ў рэйтынг у 2019 годзе і знаходзілася на 75-м месцы. Найлепшай пазіцыяй краіны было 59-е месца.

У 2024 годзе на першых пазіцыях засталіся краіны Паўночнай Еўропы. Самая шчаслівая краіна ў свеце - Фінляндыя.

Што гэта за рэйтынг?

Метадалогія даследавання грунтуецца на звестках Gallup World Poll за 2022-2024 гады і World Risk Poll 2019 года. Асноўны паказчык – Cantril Ladder, дзе рэспандэнтам прапануецца ацаніць свой цяперашні стан на шкале ад 0 (найгоршае жыццё) да 10 (найлепшае жыццё).

Дадаткова аналізуюцца шэсць паказчыкаў дабрабыту, такіх як узровень даверу да паліцыі, гатоўнасць дапамагчы незнаёмцу, уцягнутасць у валанцёрства і дабрачыннасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]