Ініцыятыва Трампа для багацеяў за дзень прынесла ЗША пяць мільярдаў даляраў
18- 23.03.2025, 10:42
- 9,082
Праграмнае забеспячэнне для "залатых картак" распрацоўвае Ілан Маск.
За дзень Злучаныя Штаты Амерыкі зарабілі на ініцыятыве прэзідэнта Дональда Трампа для багатыроў 5 мільярдаў даляраў. Штаты прадалі 1000 іміграцыйных "залатых картак".
Пра гэта распавёў у падкасце All-In Podcast міністр гандлю ЗША Говард Лутнік. Вядома, што кожная такая картка каштуе 5 мільёнаў даляраў.
Са слоў Лутніка, Трамп упэўнены, што атрымаецца зарабіць на гэтай ініцыятыве мінімум 5 трыльёнаў даляраў. Цяпер ёсць 37 мільёнаў патэнцыйных пакупнікоў "залатых картак".
Міністр адзначыў, што ідэя аб продажы такіх картак прыйшла да Трампа, калі ён размаўляў з інвестарам Джонам Полсанам - пасля да распрацоўкі ініцыятывы далучыўся і сам Лутнік.
Праграмнае забеспячэнне для гэтых картак распрацоўвае Ілан Маск.
Іміграцыйныя “залатыя карткі” Трампа
У лютым прэзідэнт Злучаных Штатаў Амерыкі Дональд Трамп анансаваў продаж "залатых картак", якія будуць дазваляць пражыванне ў краіне. Тады рэспубліканец дапусціў, што доступ да гэтай ініцыятывы могуць мець і расейскія алігархі. Паводле яго слоў, сярод іх ёсць "вельмі прыемныя людзі".
“Мы будзем прадаваць “залатую” карту. У вас ёсць "зялёная" карта, а гэта "залатая" карта. Мы збіраемся паставіць цану на гэтую карту блізу 5 мільёнаў даляраў, і гэта дасць вам прывілеі "зялёнай" карты, а таксама гэта будзе шлях да грамадзянства. І заможныя людзі будуць прыязджаць у нашу краіну, купляючы гэтую картку”, - казаў тады Трамп.
Міністр гандлю ЗША Говард Лутнік адзначаў, што "залатая картка" прыйдзе на замену дзяржаўнай праграме віз EB-5 для імігрантаў-інвестараў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
