Макрон: Еўрапейскія войскі ва Украіне адкажуць на напад Расеі

Міратворцы могуць быць размешчаныя ў «важных гарадах» і іншых месцах.

Прэзідэнт Францыі Эмануэль Макрон заявіў, што еўрапейскія міратворчыя сілы, якія могуць быць размешчаныя ва Украіне, адрэагуюць на расейскі напад, калі Масква яго пачне.

Пра гэта паведамляе AP.

Са слоў Макрона, такія войскі могуць быць размешчаныя ў «важных гарадах» і іншых месцах.

«Калі б зноў адбылася агульная агрэсія супраць украінскай зямлі, гэтыя войскі фактычна апынуліся б пад ударам, і тады гэта нашы звычайныя рамкі прыцягнення... Нашы жаўнеры, калі яны задзейнічаныя і размешчаныя, павінны рэагаваць і адказваць на пастановы галоўнакамандуючага і, калі яны аказваюцца ў канфліктнай сітуацыі, адказваць на яе», - сказаў Макрон.

Ён дадаў, што такія войскі не будуць размешчаныя на лініі фронту ва Украіне, «і не будуць задзейнічаныя ў першы ж дзень супраць расейскіх сіл». Яны будуць «сіламі, якія стануць пераконваць расейцаў не ўчыняць паўторны напад. І, утрымліваючы важныя гарады, стратэгічныя базы, будуць адзначаць выразную падтрымку з боку некалькіх еўрапейскіх урадаў і хаўруснікаў».

«Таму мы не на перадавой, мы не ідзем ваяваць, але мы там, каб гарантаваць працяглы мір. Гэта пацыфісцкі падыход... Адзіныя, хто мог бы ў гэты момант справакаваць канфлікт, ваяўнічую сітуацыю, былі б расейцы, калі б яны зноў пастанавілі пачаць агрэсію», - сказаў ён.

Шэраг магчымых варыянтаў, якія разглядаюць еўрапейскія военачальнікі і планавікоў, уключае некалькі сцэнарыяў, якія зараз рыхтуюцца для разгляду і адабрэння лідараў краін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com