Зяленскі назваў Трампу гарантаваны спосаб скончыць вайну за 24 гадзіны

Прэзідэнт Украіны даў вялікае інтэрв'ю.

Прэзідэнт Украіны Уладзімір Зяленскі даў эксклюзіўнае інтэрв'ю Eurovision News. УНІАН сабраў самыя яркія цытаты ўкраінскага лідара.

Прэзідэнт ЗША Дональд Трамп суцэль здольны выканаць сваё абяцанне скончыць вайну ва Украіне за 24 гадзіны. Для гэтага ён павінен зрабіць толькі адзін крок - узяць Украіну ў NATO, заявіў прэзідэнт Уладзімір Зяленскі ў інтэрв'ю для прадстаўнікоў Еўрапейскага вяшчальнага саюза.

Аднак, як адзначыў прэзідэнт, праблема ў тым, што ЗША не гатовыя да гэтага кроку.

«Найлепшыя гарантыі бяспекі - NATO. Так. Але ЗША не гатовыя на гэты крок. Самы танны. Самы хуткі. Самы гарантаваны. Дакладна не далікатны. І сапраўды, калі Амерыка пастановіць узяць Украіну ў NATO - гэта можна будзе залічыць, што Трамп зрабіў за 24 гадзіны тое, што ён калісьці казаў. Мне здаецца, што гэта ў ягоных руках», - сказаў Зяленскі.

Зяленскі: РФ хоча ўзяць пад кантроль гандлёвы калідор у Чорным моры

Украіна кантралюе сітуацыю ў Чорным моры. Узамен Расея спрабуе захапіць кантроль над гандлёвым калідорам. Аб гэтым заявіў прэзідэнт Украіны Уладзімір Зяленскі ў інтэрв'ю Eurovision News.

«Яны ўжо даўно не кантралююць калідор у Чорным моры. Мы змагаемся за гэта, бо гэта крок да заканчэння вайны. Мы кантралюем сітуацыю ў Чорным моры. Іх Чарнаморская частка флоту на дне ці яны схаваныя, гэта тое, што на сёння адбываецца. Яны гатовыя ісці на спыненне агню па энэргетыцы, калі гэта будзе тычыцца энэргетыкі і Чорнага мора», - адзначыў прэзідэнт Украіны.

Зяленскі адзначыў, што РФ спрабуе захапіць кантроль над харчовым калідорам. Украіна не дазволіць гэтаму адбыцца.

«Мы агулам гатовыя былі на поўнае спыненне агню. Яны хочуць проста заскочыць у кантроль прадуктовага калідора, ім гэта не ўдасца, мы ў гэтым абсалютна ўпэўненыя», - дадаў Зяленскі.

«Не набліжае нас да міру»: Зяленскі рэзка раскрытыкаваў спецпрадстаўніка Трампа

Прэзідэнт Украіны Уладзімір Зяленскі раскрытыкаваў спецыяльнага прадстаўніка прэзідэнта ЗША Стыва Уіткафа за цытаванне крамлёўскіх наратываў.

Як адзначыў украінскі лідар у інтэрв'ю Eurovision News, заявы Уіткафа ў духу крамлёўскіх наратываў аслабляюць ціск на Расею і абцяжарваюць устанаўленне міру.

«Я мяркую, што Уіткаф, сапраўды, вельмі часта цытуе крамлёўскія наратывы. Я думаю, што гэта не наблізіць нас да міру. І я думаю, што гэта, на жаль, прыслабіць ціск амерыканцаў на Расейскую Федэрацыю. Мы можам толькі сваімі дзеяннямі выпраўляць гэтае інфармацыйнае поле. Мы стараемся гэта рабіць», - адзначыў прэзідэнт Украіны.

Зяленскі адзначыў, што Украіне неабходная дакладная і рашучая пазіцыі ЗША. «Нават калі сёння Амерыка выбрала тактыку быць пасярэдзіне, то пасярэдзіне - гэта пасярэдзіне, а не бліжэй да Крамля», - дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com